काठमाडौं– नेपालमा शोतोकान करातेको स्तर अभिवृद्धि गर्ने उद्देश्यले आयोजित टेक्निकल सेमिनार तथा ग्रेडिङ कार्यक्रम भव्य रूपमा सम्पन्न भएको छ।
निहोन शोतोकान करातेका प्रतिष्ठित गुरु ९औँ डान प्राप्त, शोतोकान विश्व च्याम्पयिन (सन् १९८८ कुमिते तर्फ ) तथा पहिलो गैर–जापानी अन्तर्राष्ट्रयि प्रशक्षिक पेम्बा तामाङको नेतृत्वमा सम्पन्न भएको छ।
उक्त कार्यक्रममा देशभरका कराते खेलाडी तथा प्रशिक्षकहरूको उत्साहजनक सहभागिता रहेको थियो। कार्यक्रममा सुजुकि शिहान तामाङले करातेका आधारभूत सिद्धान्त किहोन, काता र कुमिते (फाइट) का सूक्ष्म प्राविधिक पक्षहरूबारे गहन प्रशिक्षण प्रदान गर्नुभयो। उहाँले “सन्तुलन, गति र शक्ति , तथा सही टाइमिङ” करातेको आत्मा भएको उल्लेख गर्दै खेलाडीहरूलाई अनुशासन, आत्मविश्वास र शोतोकान करातेको दर्शन आत्मसात गर्न प्रेरित गर्नुभयो।
सेमिनार पश्चात सम्पन्न ग्रेडिङ कार्यक्रममा विभिन्न तहका कराते खेलाडीहरूले आफ्नो क्षमता प्रदर्शन गरेका थिए। मूल्याङ्कनमा आधारभुत, शरीर सन्तुलन, शक्ति नियन्त्रण तथा मानसिक दृढतालाई विशेष आधार बनाइएको थियो।
उक्त कार्यक्रममा ६ औ डान कालागि मुना आले मगर सहित अन्य थप ९ जनाले विभिन्न डानका लागि ग्रेडिङमा भागलिएका थिए।
खेलाडीहरुले यस कार्यक्रममा भगलिन पाउँदा अत्यन्त गौरवान्वति महसुस गरेका थिए ।
उक्त कार्यक्रमले नेपालमा निहोन शोतोकान करातेको प्राविधिक स्तर उकास्नुका साथै अन्तर्राष्ट्रिय मापदण्डअनुसार प्रशिक्षण पद्धति विकासमा महत्वपूर्ण योगदान पुर्याएको सहभागीहरूको भनाइ रहेको छ।आयोजक संस्था नेपाल निहोन शोतोकान कराते डो संघले शिहान पेम्बा तामाङज्यूको मार्गदर्शनप्रति हार्दिक कृतज्ञता व्यक्त गर्दै सम्मान गर्नुका साथै आगामी दिनमा पनि यस्ता उच्चस्तरीय कार्यक्रमहरू निरन्तर सञ्चालन गर्ने प्रतिबद्धता जनाएको छ। गे्रडिङमा सहभागीहरु नतितजा प्रतीक्षामा रहँदैै आगामि यात्राका लागि उत्साहित देखिएका छन।
सुजुकि शिहान पेम्बा तामाङ र नेपालका खेलााडीहरुंको अथक परिश्रम, अनुशासन, समर्पण र उच्चस्तरीय नेतृत्वले निहोन शोतोकान करातेको विकास, विस्तार तथा प्रवद्र्धनमा अमूल्य योगदान पुर्याइरहने विश्वासका साथ ५ औ सेमिनार र ग्रेडिङ कार्यक्रम सफलतापूर्वक सम्पन्न भएको छ।
