सिन्धुपाल्चोक– नेपाली कम्युनिष्ट पार्टीका युवा युवराज दुलाल शरदले सिन्धुपाल्चोक क्षेत्र नं २ बाट उम्मेदवारी दर्ता गराएका छन् ।
बागमती प्रदेश सभा सदस्य पदबाट राजीनामा दिएका उनले आज चौतारास्थित निर्वाचान कार्यालयमा पुगेर मनोनयन दर्ता गराएका हुन् ।
दुलालको प्रस्तावकमा इन्द्रमायाँ गुरुङ र समर्थकमा लोकमान दोङ रहेका छन् ।
मनोनयनपछि उनले प्रदेश सभामा सशक्त प्रस्तुती र प्रदेश मन्त्री हुँदा गरेका कामका आधारमा सिन्धु २ का मतदाताले जिताउने विश्वास व्यक्त गरे । उनले यस अघि २ पटक प्रदेश सभा सदस्य जितिसकेका छन् ।
त्यस्तै नेकपा एमालेबाट सिन्धुपाल्चोक-२ मा शेरबहादुर तामाङ र कांग्रेसबाट बंशलाल तामाङले मनोनयन दर्ता गराएका छन् ।
