काठमाडौँ- गायिका ज्योति मगरको गीतले सिन्धुपाल्चोकको बाह्रबिसे झुमेको छ । आइतबार बाह्रबिसे नगरपालिकाले आयोजना गरेको ‘तिज विशेष’ सांस्कृतिक कार्यक्रममा मगरले ‘लठ्ठै पार्यो तन्नेरी मलाई हेरीहेरी’ गी गाउँदा बाह्रबिसेका महिला सोही गीतमा झुमेका छन् ।
करिब दुई साताअघि बजारमा आएको उक्त गीत गाउँदा कार्यक्रममा सहभागी सबैले नाचेर साथ दिएका थिए । कार्यक्रममा सहभागी दर्शक मात्रै होइनन् स्टेजमा अतिथि रहेकाहरूले पनि मगरको उक्त गीतमा कम्मर मर्काइ मर्काइ नाचेका थिए । मगरले उक्त गीत गाउँदा दर्शकले हुटिङ गरेर साथ दिएका थिए । पूर्वमन्त्रीसमेत रहेकी बागमती प्रदेशसभा सदस्य मसिना खड्काले पनि नाचेर साथ दिएकी थिइन् ।
बाह्रबिसेको खुर्सानीबारी फुटबल ग्राउण्डमा भएको उक्त कार्यक्रममा दर्शक भरिभराउ थिए ।
बाह्रबिसे नगरपालिकाले आयोजना गरेको उक्त कार्यक्रमको प्रमुख अतिथि पूर्वमन्त्रीसमेत रहेका कांग्रेस नेता मोहनबहादुर बस्नेत थिए । बाह्रबिसेका मेयर बालकृष्ण बस्नेतले हिन्दु महिलाहरूको महान पर्व हरितालिका तिजमा महिलाहरूको सम्मान स्वरूप कार्यक्रम आयोजना गरेको नेपाल सन्दर्भलाई बताए ।
तिज कार्यक्रमका लागि आधा दर्जन कलाकारले प्रस्तुति दिएका छन् ।
