काठमाडौँ- सिन्धुलीबाट बेपत्ता भएका एकै परिवारका १६ जना पोखरा भेटिएका छन् । उनीहरू पोखरा महनगरपालकिा ३० का २ वटा घरमा रहेका छन् । एक घरमा १२ र अर्कोमा ४ जना रहेको कास्की जिल्ला प्रहरी कार्यालयले जनाएको छ ।
प्रहरी अधिकृतहरू सम्बन्धित ठाउँमा पुग्दै गरेकाले सिन्धुलीको नाम र त्यहाँ भएका माानिसको नाम रुजु गर्दै गरेको जिल्ला प्रहरी कार्यालयका एक प्रहरी अधिकृतले जानकारी दिए ।
उनीहरूले लेबर काम खोज्दै पोखरा आएको प्रहरीसँग बताएका छन् ।
’हामी लेबर काम गर्ने हो, यतातिर काम गर्छौँ भनेर काम खोज्न आएको भन्दै छिरेका रहेछन्,’ कास्कीका प्रहरी प्रमुख (एसपी) श्यामबाबु ओलियाले भने ।
सबै जनालाई अहिले इलाका प्रहरी कार्यालयमा ल्याउने काम भइरहेको छ ।
सिन्धुलीको गोलन्जोर गाउँपालिका–६ स्थित छेत्पा नजिक भण्डास बिप्पर कटेरी भन्ने ठाउँमा बसोबास गर्दै आएका एकै परिवारका १६ जना बेपत्ता भएपछि अहिले प्रहरीले खोजतलास सुरु गरेको थियो । घर छाडेर बेपत्ता हुनेमा उर्मिला हायुसहित उनका ६ जना छोरा, ६ जना छोरी, १ जना बुहारी, १ जना नातिनी र १ जना ज्वाइँसमेत रहेका छन् ।
यी हुन् हायू परिवारका १५ जना
१. उर्मिला हायु, ५२ वर्ष (आमा)
२. कमला हायु, २७ वर्ष (जेठी छोरी)
३. कोमल माया हायु, २३ वर्ष (माइली बुहारी)
४. उषा हायु, १९ वर्ष (छोरी)
५. अस्मिता हायु, १८ वर्ष (छोरी)
६. राजु हायु, २९ वर्ष (जेठो छोरो)
७. हिमाल हायु, २४ वर्ष (माइलो छोरो)
८. लाल बहादुर हायु, १६ वर्ष (साँइलो छोरो)
९. वेग बहादुर हायु, १४ वर्ष (छोरो)
१०. लक्ष्मण हायु, ११ वर्ष (छोरा)
११. सुवर्ण हायु, १२ वर्ष (छोरा)
१२. ओम कुमारी हायु, १० वर्ष (छोरी)
१३. अर्जुन हायु
१४. रियासा हायु,
१५. शान्ता हायु, १५ वर्ष (छोरी)
