जापान- यतिबेला जापानको गर्मीसँगै गैरआवासीय नेपाली संघ, राष्ट्रिय समन्वय परिषद् (NRNA) जापानको चुनावी सरगर्मी पनि उत्तिकै बढेको छ। जुलाई २७ तारिक आइतबार हुने चुनावको लागी मिति तय भइसकेको छ । विभिन्न पदमा उम्मेदवारी दर्ता भइरहेका बेला क्षेत्रिय सह-कोषाध्यक्ष पदमा रमेश गिरीले आफ्नो नाम दर्ता गराएका छन् ।

जापानको एक प्रतिष्ठित आइटी कम्पनीमा कार्यरत गिरीले एनआरएनएलाई अब डिजिटलसँग जोड्न योगदान दिन सक्ने मुख्य एजेण्डासहित आफूले नाम दर्ता गराएको बताउँछन्। साथै गिरीले एनआरएनएको सिमित स्रोत,साधनबीच परिणाममुखी कार्यसम्पादनको प्रयोग अपरिहार्य रहेको र त्यसमा आफ्नो दक्षतालाई प्रयोग गरी संस्थाको आर्थिक कारोबार र महत्वपुर्ण अभिलेखहरू दस्तावेज गरि भण्डार गर्ने कामको लागी पनि आफू तयार रहेको बताए ।

एनआरएनए चिवा क्षेत्रिय समितिसहित एनआएनए जापानको केन्द्रमा पनि डिजिटल प्रणाली निमार्ण गर्न सक्रिय रहेका गिरीले संस्थाको क्षेत्रिय सह कोषाध्यक्ष पदमा बसेर अझ सक्रिय भइ काम गर्ने इच्छा रहेको बताए । क्षेत्रिय सह-कोषाध्यक्षमा ३ नम्बरमा उम्मेदवारी नाम रहेकाले जापानवासी नेपालीलाई भोट गरेर सहयोग गर्न अनुरोधसमेत गरेका छन् । गैरआवासीय नेपाली संघ, राष्ट्रिय समन्वय परिषद् जापानको १२ औँ राष्ट्रिय महाधिवेशनले विभिन्न पदमा अनलाइन भोटिङमार्फत नयाँ कार्यसमिति चयन गरिँदै छ।