सिन्धुपाल्चोक– फागुन २१ गते हुने प्रतिनिधि सभा निर्वाचनका लागि नेपाली कम्युनिष्ट पार्टी (नेकपा) सिन्धुपाल्चोकले प्रतिनिधिसभा निर्वाचनका उम्मेदवार सिफारिस गरेको छ।
नेकपा सिन्धुपाल्चोक जिल्ला समितिले प्रतिनिधिसभा क्षेत्र नं. १ बाट माधव सापकोटा ‘सुबोध’ लाई सर्वसम्मत एकल उम्मेदवारका रूपमा सिफारिस गरेको हो।
पार्टीको आज जिल्लाको खाडीचौरमा बसेको १ नं क्षेत्रीय समितिको बैठकले सापकोटाको एकल नाम सिफारिस गरेको हो ।
बैठकमा पूर्व सांसदद्वय राजकुमार श्रेष्ठ र सिंह बहादुर विश्वकर्माले सापकोटाको नाम प्रस्ताव गरेका थिए भने बागमती प्रदेस सभा सदस्य सरल सहयात्री पौडेलले समर्थन गरेका थिए । सापकोटा यसअघि सोही क्षेत्रबाट प्रतिनिधि सभा सदस्य निर्वाचित भएका थिए ।
त्यस्तै प्रतिनिधिसभा २ अन्तर्गत क्षेत्रीय समन्वय समितिको उम्मेदवार सिफारिस बैठकले प्रत्यक्षतर्फ युवराज दुलाल ‘शरद’ लाई एकल उम्मेदवारका रूपमा सिफारिस गर्ने निर्णय गरेको छ।
दुलाल हाल बागमती प्रदेशसभामा प्रतिनिधिसभा २ प्रदेश सभा क बाट निर्वाचित प्रदेश सांसद हुन् ।
दुलाल सिन्धुपाल्चोकको आफ्नो क्षेत्रमा सक्रियता बढाउँदै आएका छन् । उनी बागमती प्रदेशमा मन्त्री हुँदा युवादेखि वृद्धावृद्ध लक्षित बजेट विनियोजन गरेर त्यस भेगमा चर्चामा छन् । गाउँँमा सडक नहुने ठाउँमा सडक र सडक हुने ठाउँमा कालोपत्र गरेर विकासको गति दुलालले बढाइरहेका छन् ।
त्यस्तै बैठकले समानुपातिक तर्फ भगवती नेपाल, बलराम बि क, रामलाल बि क, वीर बा तामाङ, लोकमान तमाङ, कमल माझी, पेमा ह्योल्मो र बलराम सुनारलाई सिफारिस गरिएको छ।
