काठमाडौँ- सरकारले प्रहरी महानिरीक्षक (आइजीपी)मा चन्द्रकुवेर खापुङलाई नियुक्त गरेको छ । शुक्रबार बसेको मन्त्रिपरिषदको बैठकले उनलाई आइजिपी नियुक्त गरेको हो ।
मन्त्रिपरिषद्ले १९ गतेदेखि लागू हुने गरी खापुङलाई ३२ औं आइजिपी नियुक्त गरेको हो ।
हालका आईजीपी दिपक थापाले १८ गते राति १२ बजेदेखि अवकाश पाउँदैछन् । प्रहरी नियमावलीमा उल्लेख ३० वर्षे सेवा अवधिका कारण थापा १८ भदौ राति १२ बजेबाट अनिवार्य अवकाश हुनेछन् ।
शनिबारदेखि प्रधानमन्त्री केपी शर्मा ओली चीन भ्रमणमा जाने भएकाले आजै आइजीपीको टुंगो लगाएको हो ।
तेह्रथुममा जन्मेका खापुङ २०५२ सालमा नेपाल प्रहरीको सेवामा प्रवेश गरेका थिए । उनी अहिले केन्द्रीय अनुसन्धान ब्युरो प्रमुखको जिम्मेवारीमा छन् ।
