काठमाडौँ- रुसी राष्ट्रपति भ्लादिमिर पुटिनको व्यक्तिगत जीवनको बारेमा नयाँ पुस्तकले ठूलो हलचल मच्चाएको छ ।
बेलायती अखबार द सनको रिपोर्टका अनुसार यो पुस्तक पत्रकार रोमन बडानिन र मिखाइल रुबिनको हो । कसरी भ्लादिमिर पुटिनले हामी सबैलाई मूर्ख बनाए ? भन्दै उनीहरूले दाबी गरेका छन् कि २०११ मा पुटिनको १७ वर्षीया एक केटी एलिसा खार्चेभासँग अवैध सम्बन्ध थियो।
पुस्तकका अनुसार एलिसा मस्को स्टेट युनिभर्सिटीका विद्यार्थीहरूले बनाएको कामुक क्यालेन्डरमा अप्रिल महिनाको लागि मोडेल थिइन्। क्यालेन्डर २०१२ को रूसी राष्ट्रपति चुनाव अघि उनको माचो छवि प्रचार गर्न पुटिनको जनसंपर्क अभियानको एक हिस्सा थियो। यो क्यालेन्डरसँगै पुटिनलाई संलग्न केटीहरूको सम्पर्क विवरण पनि दिइएको थियो र उनको नजर एलिसामा पर्यो।
पुटिनका सहयोगीहरूले एलिसालाई उनको उपनगरीय निवासमा बोलाउने गरेको पुस्तकमा उल्लेख छ। र, करिब एक वर्षसम्म उनीहरुले राष्ट्रपति भवनमा प्रत्येक दुई हप्तामा गोप्य भेटघाट गर्थे । यी बैठकहरूमा एलिसालाई केही परियोजनाहरू प्रस्तुत गर्न भनिएको थियो, जुन उनले खुसी साथ पूरा गरिन्।
यो पनि भनिन्छ कि पुटिनले त्यतिबेला ल्युडमिलासँग विवाह गरेका थिए र जिमनास्ट एलिना काबाएवासँग पनि गोप्य सम्बन्ध थियो, जसबाट उनका दुई छोरा छन् ।
पुटिनले एलिसालाई मस्कोको प्रतिष्ठित इन्स्टिच्युट अफ इन्टरनेशनल रिलेसनमा भर्ना गरिदिए, जुन उनको तर्फबाट पुरस्कार मानिएको थियो। तर, एलिसाप्रति पुटिनको चासो घटेपछि एलिसाले उनको ६०औँ जन्मदिनमा सामाजिक सञ्जालमा विवादास्पद तस्बिर पोस्ट गरिन्, जसको शीर्षक थियो, ‘पुसी फर पुटिन’। यो तस्बिरमा उनी रातो लुगा र गहिरो घाँटीमा कालो बिरालो समातेको देखिएकी छिन् ।
पुटिनलाई यो मन परेन र एलिसाले यसलाई तुरुन्तै हटाइन्। अहिले ३२ वर्षीया एलिसा विवाहित छिन् र मस्कोको महँगो क्षेत्रमा रहेको विलासी अपार्टमेन्टमा बस्छिन्। अपार्टमेन्ट पुटिनले दिएको हो कि भनेर सोध्दा उनले यसलाई ‘मूर्ख प्रश्न’ भनेकी छिन, उनका अनुसार यसको मूल्य उनी आँफैले चुकाएकी हुन् ।
यो समाचारको सत्यताको कुनै ठोस प्रमाण नभेटिए पनि पुटिनको व्यक्तिगत जीवनलाई लिएर धेरै प्रश्न उठेको छ ।
