काठमाडौँ- प्रधानमन्त्री केपी शर्मा ओली भारत भ्रमणभन्दा पहिला चीन जाने भएका छन् । शांघाई सहयोग संगठन (एससीओ) को शिखर सम्मेलनमा भाग लिन भदौ १४ गते चीन जान लागेका हुन् ।
चिनियाँ राष्ट्रपति सी जिनपिङले उद्घाटन गर्ने उक्त कार्यक्रम भदौ १५ र १६ गते (अगष्ट ३१ र सेप्टेम्बर १) मा बेइजिङमा हुनेछ ।
उक्त सम्मेलनमा नेपालबाट उच्चस्तरीय सहभागिता हुन लागेको यो पहिलोपटक हो ।
क्षेत्रीय स्थिरता प्रवर्द्धन गर्ने उद्देश्यले सन् २००१ मा स्थापना भएको एससीओमा हाल बेलारुस, चीन, भारत, इरान, काजाकिस्तान, कीर्गिस्तान, पाकिस्तान, रूस, ताजिकिस्तान र उज्बेकिस्तान गरी १० देशहरू छन् ।
एसओसीमा नेपालसहित टर्की, श्रीलंका, अजरबैजान, अर्मेनिया, कम्बोडिया, इजिप्ट, कतार, साउदी अरेयिबा र युएईसहित १४ देशहरू संवाद साझेदार हुन् ।
उक्त सम्मेलनमा भारतीय प्रधानमन्त्री नरेन्द्र मोदी र रुसी राष्ट्रपति भ्लादिमिर पुटिन पनि सहभागी हुँदैछन् ।
पछिल्लो समय भारतले रूससँग व्यापार गरेको भन्दै अमेरिकाले कर बढाएको थियो । त्यसलगत्तै मोदी चीन गएका थिए । चीन गएपछि भारत र चीनको सम्बन्ध सुधार भएको राजनीतिक वृत्तमा चर्चा सुरू भको थियो । मोदी पनि उकत कार्यक्रममा सहभागी हुने भएपछि चीनले मोदीको सहभागीतालाई उच्च प्राथमिकतामा राखेको छ ।
प्रधानमन्त्री ओलीले चिनियाँ राष्ट्रपति सी र भारतीय प्रधानमन्त्री मोदीसँग भेटवार्ता गर्नेछन् ।
